Overnatting i lavvo og hengekøye - å dele slike opplevingar er gull verd. Og det er derfor dette er blitt ein viktig tradisjon hos oss. Me kallar det "Teambuilding" og det er 4- og 5-åringane som er med på dette. Dei som har ei viktig rolle i barnegruppa - kulturberarane våre - dei som bringer våre verdiar og normer vidare til dei yngre villvettene. 

Pølser, saft, nyplukka epler og litt potetgull til kvelds, quiz, tannpuss under buskane og ein tur med lommelykt ned til sjøen for å sjå på solnedgongen. 

Nokre ville legge seg, medan resten tok ein litt lengre mørketur til den "hemmeleg benken" i skogen. På veg tilbake stoppa me i gapahuken vår og fortalte eventyr i mørket.

Høgtlesing i lavvo og hengekøye - og vips så sov alle.

Morgonen i soveposane drog me ut og såg barne-tv på ipad. Tenk det - ligge i hengekøye eller i lavvo med smale auge og sovehår og samle seg rundt ein liten skjerm....

Lange frukost med alle villvettene og pizza-lunsj i hagen til Tove - då var det kun ein ting som gjenstod: "Takk for opplevinga saman og god helg!"

No kjem hausten for alvor og dagane går - og me kjem til å seie: "Hugsa du...?" Og så ler me saman når me minnast snorking, promping i soveposane, geiter som vandra rundt, gåter me ikkje forstod og undringa over å våkne på sidemannens liggeunderlag 🤣